Publikasaun | Da Silva Teixeira & Associados

Jorginha Martins tama iha DTA

Ho haksolok, ami informa katak Jorginha Martins foin tama DTA nu'udar advogada estajiária. Jorginha tuir hela Kursu Advogadu Privadu ba dala-6 no sei kompleta nia estájiu iha ami nia eskritóriu nu'udar parte ida husi kursu ne'e.

Aleinde nia kualifikasaun akadémiku, Jorginha iha mos esperiénsia profisionál ne'ebé nia hetan durante nia servisu ba Governu, ne’ebé sei ajuda Jorginha atu hetan esperiénsia prátika durante estájiu.

Estájiu ne'e nu'udar rekizitu fundamentál husi Kursu Advogadu Privadu, ho objetivu atu advogadu estajiáriu sira bele hetan esperiénsia direta kona-ba prátika jurídika, sistema judisiáriu no servisu sira ne’ebé iha relasaun. No mos, ida ne'e oportunidade ida atu sira bele aplika konhesimentu teóriku ne’ebé sira hetan durante estudu.

DTA prontu atu suporta Jorginha iha nia dezenvolvimentu profisionál no fiar katak nia sei fó kontribuisaun di'ak ba ami nia servisu.

Da Silva Teixeira

Aug 08, 2025

TLAUCON25 hametin ligasaun komérsiál entre Timor-Leste no Austrália

Konferénsia Negósiu no Ekonomia Timor-Leste–Austrália ba dala-2 (TLAUCON25) hala’o iha Sentru Konvensaun Dili (CCD), hanesan inisiativa konjunta entre Governu Timor-Leste no Governu Austrália, ho apoiu husi TradeInvest Timor-Leste no Kámara Komérsiu no Indústria Timor-Leste (CCI-TL).

Konferénsia anuál ida ne’e hetan partisipasaun husi líder sira iha área negósiu no representante Governu sira atu haburas parseria ekónomiku, promove dezenvolvimentu sustentável, no hametin kooperasaun bilaterál iha setór prioridade sira.

Eventu ne'e inklui debate sira, feira komérsiál, no asinatura MoU entre CCI-TL no Kámara Komérsiu no Indústria East Kimberley atu hametin kooperasaun komérsiál rejionál.

Iha sesaun networking TLABC (Timor-Leste–Australia Business Council) nian, reprezentante husi konsellu diresaun TLABC, José Teixeira, hatete ba partisipante sira kona-ba:

Papel TLABC iha defeza ba asuntu sira ne’ebé afeta negósiu entre Timor-Leste no Austrália;

TLABC nu'udar intermediáriu ba empreza sira ne’ebé buka oportunidade bilaterál; no

Promosaun ba inisiativa setór privadu nian no fahe informasaun relevante.

José mos husu investidór Austrália sira atu tama hanesan membru TLABC no kontribui atu forma agenda advogasia iha tempu oin mai, no subliña katak kompanhia kiik ka boot, hotu-hotu bele sai membru ba TLABC.

Nia hanoin fila fali ba ligasaun pesoál ho fatin ne’e: iha tinan 2002, nu'udar koordenador serimónia restaurasaun independénsia Governu tranzisaun, responsavel ba Feira Komersiál Restaurasaun Independénsia, nia servisu iha okos husi Ministru-Xefi Governu Tranzisaun NU. José hala’o supervizaun ba rekonstrusaun merkadu tuan (ne’ebé agora mak Sentru Konvensaun Dili) husi AUSAID, hodi realiza Feira iha fatin ne'e. Momentu históriku ida ne’e hetan inaugurasaun husi Primeiru Ministru Austrália, John Howard, no Ministru-Xefi Timor-Leste, Mari Alkatiri, no simboliza parseria ekonómika durante tempu naruk entre nasaun rua ne’e. Legadu ne’ebé TLAUCON kontinua ohin loron, hafoin tinan 23.

Foto: TradeInvest Timor-Leste

Da Silva Teixeira

José Teixeira fasilita treinamentu kona-ba Poder Autoridade Judisiariu no Polisia no Direitu Sidadaun iha Investigasaun Kriminal

Sósiu DTA nian, José Teixeira, hamutuk ho Cláudio Boavida Fernandes, fasilita treinamentu kona-ba "Poder Autoridade Judisiariu no Polisia no Direitu Sidadaun iha Investigasaun Kriminal".

Sesaun ne'e organiza husi Asosiasaun Juventude Hakbi’it Justisa Timor-Leste (AJHJ-TL) no halibur hamutuk partisipante foin-sa'e na'in 30 ne'ebé hakarak atu hakle'an liután sira-nia komprensaun kona-ba sidadaun sira-nia direitu no limite legál sira ba aplikasaun lei durante investigasaun kriminál sira.

Inisiativa ida-ne'e hanesan parte ida husi kompromisu AJHJ-TL nian hodi nafatin promove literasia legál no empoderamentu síviku entre foin-sa'e Timor-oan sira hodi ajuda harii sosiedade ida-ne'ebé informadu no partisipativu liu.

Da Silva Teixeira

Lei Nú. 6/2023, 1 Marsu, Lei Protesaun ba Labarik no Foin-sa’e iha Perigu Laran

Ho publikasaun ida-ne'e, ami koko atu fó sumáriu kle’an kona-bá implikasaun no dispozisaun strukturál sira iha Lei ida ne’e, hodi avalia oinsá sira kontribui ba protesaun ba labarik no foin-sa’e sira ne'ebé konsidera tama iha perigu laran.

Edisaun ida ne’e ho lian inglés de’it no bele asesu liuhusi link iha kraik.

Da Silva Teixeira

Rejime Jurídiku ba Konstrusaun no Urbanizasaun (Planeamentu no Kontrolu ba Konstrusaun)

Rejime ida-ne’e estabelese prosedimentu kontrolu administrativu sira ba projetu urbanu foun sira, rekizitu sira ba ezekusaun obras no instrumentu sira ba planeamentu no kontrolu konstrusaun nian ne'ebé permitidu liuhusi lisensiamentu urbanístiku, aprovasaun ba konstrusaun no fiskalizasaun ba konformidade projetu urbanu sira ho planu ordenamentu territóriu sira.

Edisaun ida ne’e ho lian inglés de’it no bele asesu liuhusi link iha kraik.

Da Silva Teixeira