info@goweb.pt
  • Kona-ba ami

    • Da Silva Teixeira & Associados

    rekoñesidu nu’udar sosiedade advogadu ho naran-kmanek iha Timor-Leste, ho abilidade únika atu fornese kontestu iha rai-laran no komprensaun loloos kona-ba enkuadramentu legál no dinámika reguladora ba kliente lokál no internasionál.

    Ami nia eskritóriu fó konsellu beibeik ba empreza multinasionál sira, ajénsia multi-lateral sira, parseiru ba ajuda/dezenvolvimentu, entidade governamentál no ONG sira, liuhusi kombinasaun di'ak husi ami-nia advogadu sira-nia matenek kona-ba Direitu tau hamutuk ho sira nia koñesimentu kona-ba fatór ekonómiku, polítiku, istóriku no kulturál Timor-Leste nian.

    Nu’udar ekipa ida, advogadu sira iha DTA iha koñesimentu iha lian oioin, hetan ona sertifikasaun jurídika no esperiénsia iha Timor-Leste no internasionál, liuhusi sosiedades advogadus ne’ebé sai referénsia no opera iha rejiaun Ázia-Pasífiku, Austrália no Europa. Ho ida-ne’e permite atu ami-nia ekipa bele fornese servisu jurídiku ho kualidade di’ak bá ami-nia kliente sira.

    Ami nia Advogadu sira mós iha kapasidade atu komunika uza lian-inglés no lian ofisiál (lian-tetun no lian-portugés), hamutuk ho ami-nia esperiénsia naruk hala’o servisu ho sosiedade timorense, halo ami tuur iha pozisaun únika atu fornese akonsellamentu relevante no prátiku ba empreza no organizasaun sira ne’ebé hala’o negósiu iha Timor-Leste.

    Ami fiar-an atu estabelese padraun foun ida ba exelénsia jurídika iha kontextu Timor-Leste.

    • Simu informasaun iha etapa ida-idak.
    • Ami nia prioridade mak ita-boot bele sente hakmatek.
    • Hetan benefísiu husi ami-nia alkanse globál.
    • Mai hamutuk ho komunidade kliente sira ne’ebé haksolok.

    hatene liután

    DTA servisu iha área hanesan tuir mai ne’e

    • Komersiál
    • Bankáriu no Finanseiru
    • Petróleu no Gás
    • PPP no Infraestrutura
    • Direitu Públiku
    • Transporte
    • Mudansa Klimátika no Ambiente
    • Direitu ba Rai no Ordenamentu Territóriu
    • Direitu Fiskál
    • Direitu Traballu no Lei Seguransa Sosiál
    • Polítika Públika no Elaborasaun Lei
    • Kontensiozu no Resoulusaun Alternativu ba Litíjiu
    • Rejistu no Lisensiamentu
    hatene ami nia área servisu
    Indústria
    DTA nu’udar eskritóriu jurídiku ne’ebé trata asuntu oioin, hahú husi elaborasaun lei to'o kontensiozu, no husi disputa arbitrál to'o sekuestru karbonu. Maske dezafiu jurídiku sira ne'e husi natureza oin-oin, DTA iha kompromisu atu fó akonesellamentu jurídiku ne'ebé di'ak, bazeia ba esperiénsia ne'ebé ami-nia advogadu sira lori ba DTA.

    Saida maka ema seluk hatete kona-ba ami nia firma

    Da Silva Teixeira & Associados nia pozisaun aas-liu iha merkadu jurídiku Timór-nian hetan rekoñesimentu beibeik husi Chambers and Partners Asia Pacific no Global Guides durante tinan 2016 to’o 2025. Matadalan sira ne’e sempre klasifika DTA hanesan firma-advogadu ida-ne’ebé mak aas liu ka “Band 1”, no sósiu nain-rua, Sahe Da Silva no José Teixeira, mós hetan klasifikasaun “Band 1” nu’udar advogadu.  Asosiadu sénior Nuno Marrazes mós hetan klasifikasaun hanesan “Associate to Watch”.

    hatene liután
     

    Kliente mak ulukliu

    Ami-nia kompromisu ba abordájen ne'ebé tau kliente uluk mak importante teb-tebes. Ami fó prioridade ba servisu jurídiku ne'ebé personalizadu, klaru, no estratéjiku hodi hatán ba kliente ida-idak nia nesesidade eskluzivu. Ami-nia advogadu sira, ho sira nia esperiénsia, dedika-an atu rona, komunika ho efikásia, no hetan rezultadu di'ak liu.


    100%
     

    Esperiénsia

    Ami sente orgullu ho ami nia esperiénsia ne'ebé kle'an tebes, ida ne'ebé mak nu’udar ai-dulas prinsipál ba ami nia prátika. Ho esperiénsia jurídika tinan barak, ami-nia ekipa bele hasoru no hatán ba kompleksidade lei Timór-nian ho loloos no kompeténsia. Ami mos aproveita ami-nia koñesimentu koletivu hodi fó solusaun ne'ebé la'ós de'it efikaz, maibé mós inovadór.


    10+
     

    Naran-kmanek

    Exelénsia no susesu, ne’ebé laiha hanesan, nu’udar baze ba ami-nia naran-kmanek iha área jurídica. Ami tuur iha nível aas-liu kona-ba esperiénsia jurídica no profisionalizmu. Ami-nia advogadu sira, ne'ebé rekoñesidu nu’udar lider iha sira-nia área, lori legadu susesu no kompromisu ida ho padraun prátika aas liu.


    30+

    Publikasaun DTA

    Aug 18, 2025
    Jorginha Martins tama iha DTA
    Ho haksolok, ami informa katak Jorginha Martins foin tama DTA nu'udar advogada estajiária. Jorginha tuir hela Kursu Advogadu Privadu ba dala-6 no sei kompleta nia estájiu iha ami nia eskritóriu nu'udar parte ida husi kursu ne'e.

    Aleinde nia kualifikasaun akadémiku, Jorginha iha mos esperiénsia profisionál ne'ebé nia hetan durante nia servisu ba Governu, ne’ebé sei ajuda Jorginha atu hetan esperiénsia prátika durante estájiu.

    Estájiu ne'e nu'udar rekizitu fundamentál husi Kursu Advogadu Privadu, ho objetivu atu advogadu estajiáriu sira bele hetan esperiénsia direta kona-ba prátika jurídika, sistema judisiáriu no servisu sira ne’ebé iha relasaun. No mos, ida ne'e oportunidade ida atu sira bele aplika konhesimentu teóriku ne’ebé sira hetan durante estudu.

    DTA prontu atu suporta Jorginha iha nia dezenvolvimentu profisionál no fiar katak nia sei fó kontribuisaun di'ak ba ami nia servisu.
    lee liután
    Aug 08, 2025
    TLAUCON25 hametin ligasaun komérsiál entre Timor-Leste no Austrália

    Konferénsia Negósiu no Ekonomia Timor-Leste–Austrália ba dala-2 (TLAUCON25) hala’o iha Sentru Konvensaun Dili (CCD), hanesan inisiativa konjunta entre Governu Timor-Leste no Governu Austrália, ho apoiu husi TradeInvest Timor-Leste no Kámara Komérsiu no Indústria Timor-Leste (CCI-TL).

    Konferénsia anuál ida ne’e hetan partisipasaun husi líder sira iha área negósiu no representante Governu sira atu haburas parseria ekónomiku, promove dezenvolvimentu sustentável, no hametin kooperasaun bilaterál iha setór prioridade sira.


    Eventu ne'e inklui debate sira, feira komérsiál, no asinatura MoU entre CCI-TL no Kámara Komérsiu no Indústria East Kimberley atu hametin kooperasaun komérsiál rejionál.


    Iha sesaun networking TLABC (Timor-Leste–Australia Business Council) nian, reprezentante husi konsellu diresaun TLABC, José Teixeira, hatete ba partisipante sira kona-ba:

    • Papel TLABC iha defeza ba asuntu sira ne’ebé afeta negósiu entre Timor-Leste no Austrália;

    • TLABC nu'udar intermediáriu ba empreza sira ne’ebé buka oportunidade bilaterál; no

    • Promosaun ba inisiativa setór privadu nian no fahe informasaun relevante.


    José mos husu investidór Austrália sira atu tama hanesan membru TLABC no kontribui atu forma agenda advogasia iha tempu oin mai, no subliña katak kompanhia kiik ka boot, hotu-hotu bele sai membru ba TLABC.

     

    Nia hanoin fila fali ba ligasaun pesoál ho fatin ne’e: iha tinan 2002, nu'udar koordenador serimónia restaurasaun independénsia Governu tranzisaun, responsavel ba Feira Komersiál Restaurasaun Independénsia, nia servisu iha okos husi Ministru-Xefi Governu Tranzisaun NU. José hala’o supervizaun ba rekonstrusaun merkadu tuan (ne’ebé agora mak Sentru Konvensaun Dili) husi AUSAID, hodi realiza Feira iha fatin ne'e. Momentu históriku ida ne’e hetan inaugurasaun husi Primeiru Ministru Austrália, John Howard, no Ministru-Xefi Timor-Leste, Mari Alkatiri, no simboliza parseria ekonómika durante tempu naruk entre nasaun rua ne’e. Legadu ne’ebé TLAUCON kontinua ohin loron, hafoin tinan 23.

    Foto: TradeInvest Timor-Leste

     

    lee liután
    Aug 02, 2025
    José Teixeira fasilita treinamentu kona-ba Poder Autoridade Judisiariu no Polisia no Direitu Sidadaun iha Investigasaun Kriminal
    Sósiu DTA nian, José Teixeira, hamutuk ho Cláudio Boavida Fernandes, fasilita treinamentu kona-ba "Poder Autoridade Judisiariu no Polisia no Direitu Sidadaun iha Investigasaun Kriminal". 

    Sesaun ne'e organiza husi Asosiasaun Juventude Hakbi’it Justisa Timor-Leste (AJHJ-TL) no halibur hamutuk partisipante foin-sa'e na'in 30 ne'ebé hakarak atu hakle'an liután sira-nia komprensaun kona-ba sidadaun sira-nia direitu no limite legál sira ba aplikasaun lei durante investigasaun kriminál sira.

    Inisiativa ida-ne'e hanesan parte ida husi kompromisu AJHJ-TL nian hodi nafatin promove literasia legál no empoderamentu síviku entre foin-sa'e Timor-oan sira hodi ajuda harii sosiedade ida-ne'ebé informadu no partisipativu liu.
    lee liután
    publikasaun hotu-hotu