Indústria

DTA espesializa iha akonsellamentu informadu ba banku internasionál no instituisaun finanseira sira, ne'ebé kobre tranzasaun finanseira oin-oin, lisensa husi BCTL, no regulamentasaun finanseira. Ami-nia esperiénsia permite kliente sira atu foti desizaun finanseira ne'ebé di'ak no metin no atu bok-an ho fiar-an iha Timor-Leste nia sektor finanseiru ida kompleksu.

DTA ativu lo'os iha inisiativa relasiona ho karbonu. Husi 2015, liuhosi nia apoiu nafatin ba Ho Musan Ida, projetu kréditu karbonu voluntáriu dahuluk iha Timor-Leste ho sertifikasaun internasionál Gold Standard, DTA hala'o ona papél fundamentál iha negosiasaun ho Governu kona-ba MoU dahuluk Timor-Leste nian ba kréditu karbonu, no fó akonsellamentu ba enkuadramentu estratéjiku ba Programa Kréditu Karbonu no mós ba projetu bo'ot ida atu kaptura no armazena karbonu iha Tasi Timor.

DTA nu’udar jogadór xave ida iha setór mudansa klimátika no direitu ambientál Timor-Leste nian, ne’ebé fó akonsellamentu relevante kona-ba asuntu sira ne’ebé pertense ba mudansa klimátika no konservasaun ambientál, inklui fó akonsellamentu ba Sekretaria Estadu Ambiente kona-ba Timor-Leste nia Kontribuisaun Determinadu Nasionalmente tuir Akordu Paris, no mós lei no regulamentu sira seluk ne’ebé relasiona ho mudansa klimátika.

DTA espesializa iha Direitu Kontratu, hodi fó matadalan kona-ba preparasaun, negosiasaun no ezekusaun ba kontratu sira iha sektór hothotu. DTA nia objetivu mak atu promove akordu juridikamente metin hodi fó apoiu ba relasaun komersiál metin.

Iha área sosietáriu, DTA fó orientasaun kompreensivu no akonsellamentu estratéjiku ba empreza sira. Ho esperiénsia luan halo interasaun ho SERVE atu rejistu no halo lisensiamentu emprezariál, ami simplifika prosesu ba kliente nia benefísiu, hodi kliente bele fokus ba nia negósiu enkuantu ami maneja aspetu regulatóriu no adekuasaun nian. Iha área komersiál, DTA espesializa iha esbosu, negosiasaun, no aplikasaun akordu ne'ebé pertense ba negósiu úniku no kompleksu sira, hodi fó aprosimasaun pragmátiku ba kontratu komersiál oioin.

Hodi esplora lei migrasaun no ezijénsia sira presiza atensaun didi’ak ba detalle sira, no DTA destakadu hodi fornese orientasaun espesializada kona-ba kestaun relasionadu ho migrasaun ba kliente nasionál no internasionál. Atu ba individuu ka ba empreza, DTA nia ekipa oferese akonsellamentu luan kona-ba pedidu vistu, konformidade ho migrasaun no kestaun sidadania sira.

DTA komprende signifikadu husi protesaun ba propriedade intelektuál no ami nia esperiénsia asegura estratéjia sira ne'ebé adapta atu proteje Kliente sira nia marka komersiál, patente, direitu autór no direitu sira ne'ebé relasionadu.

DTA hala’o knaar nu’udar konsultór lokál prinsipál ba prosesu esbosu no aprovasaun ba Lei Direitu Autor Timor-Leste nian (promulga ona) no Kódigu Propriedade Industriál (hein hela aprovasaun) no ami familiarizadu ho estatutu relevante sira.

Iha ámbitu relasaun traballu nian, DTA destakadu hodi fornese solusaun diferensiada no akonsellamentu espesializadu. Ami tulun organizasaun sira hodi jere dinámika forsa traballu nian, hodi promove ambiente servisu ida-ne'ebé ekilibradu no produtivu. Regularmente, ami apoia empreza sira, ONG sira no indivíduu sira iha disputa sira relasiona ho direitu traballu, greve, negosiasaun kontratu, inskrisaun iha seguransa sosiál, redundansia sira no prosesu dixiplinár.

Iha matéria kona-ba direitu ba rai no tranzasaun kona-ba bens imóveis, ami nia kliente inklui promotór no finansiadór propriedade sira ne'ebé signifikativu liu ne'ebé hala'o operasaun iha Timor-Leste. Husi tranzasaun bens imóveis ba disputa rai nian, ami nia ekipa salvaguarda kliente sira nia interese ho akonsellamentu estratéjiku ne'ebé adaptadu ba dezafiu lokál sira no kompleksidade legál sira.

DTA fó estratéjia jurídika forte hodi halo navegasaun ba kompleksidade sira no hetan rezultadu favorável. Ekipa DTA dedika-an hodi asegura reprezentasaun no rezolusaun efikás iha disputa jurídika sira, inklui iha arbitrajen. DTA envolvidu iha rekoñesimentu no ezekusaun dahuluk ba sentensa arbitrál bazeia ba Konvensaun Nova Iorke nian iha Timor-Leste no iha arbitrajen ICSID dahuluk ne’ebé envolve Timor-Leste. Iha dékada ikus sira, ami hetan mós esperiénsia iha mediasaun oioin, hanesan mediadór no mós hanesan konsultór jurídiku.

DTA oferese akonsellamentu jurídiku espesializadu ba empreza multinasionál mina-rai no gás nian kona-ba asuntu oioin, inklui envolvimentu regulamentár, negosiasaun kontratu fahe produsaun, konsesaun no disputa kontratuál, arbitrajen komersiál internasionál, lei fiskál no ambientál, hodi garante adezaun ba regulamentu lokál no internasionál sira. Ami iha esperiénsia luan iha rai-laran, no Sósiu José Teixeira, nu’udar eis-Ministru ba Rekursu Naturais, estabelese ona kuadru legál hodi regula setór mina-rai iha Timor-Leste hafoin restaurasaun independénsia.

Ida ne'e inklui fó akonsellamentu ba investidór estranjeiru sira kona-ba aspetu hotu-hotu husi sira-nia investimentu iha Timor-Leste, inklui kona-ba investimentu iha setór petróleu no gás, indústria transformadora, finansas no turizmu.

Iha matéria Direitu Públiku, DTA fó akonsellamentu abranjente ba entidade governamentál no partikulár sira. Ami nia esperiénsia inklui mos Direitu Konstitusionál, Direitu Administrativu no konformidade regulamentár, hodi asegura reprezentasaun no rezolusaun efikás iha kestaun públika sira.

DTA fornese matadalan personalizadu ba indivíduu no empreza sira hodi adapta ba kondisaun lokál sira no rejime fiskál. Ami nia advogadu fiskál sira iha hanoin komersiál no foti aprosimasaun prátiku no proativu, hodi ajuda kliente sira atu estrutura sira nia tranzasaun hodi maksimiza benefísiu fiskál no minimiza obrigasaun fiskál. Ami nia kredensiál sira iha litigasaun fiskál inklui asisténsia (ho susesu) ba kompañia petrolífera internasionál rua relasiona ho kazu fiskál sira iha ámbitu Área Dezenvolvimentu Petróleu Konjunta (JPDA).