Manuel hamutuk ho DTA hahu iha fulan-Maiu 2017 no dezde ne'e foka nia prátika hodi tulun empreza lokál no estranjeira sira, ONG sira no parseiru dezenvolvimentu internasionál sira iha kestaun jurídiku oin-oin, inklui elaborasaun lejislasaun no polítka públika, direitu sosietáriu no bankáriu, propriedade intelektuál, telekomunikasaun, dezenvolvimentu imobiliáriu no asuntu kona-ba traballu/seguransa sosiál.
Molok tama iha DTA, Manuel servisu iha sosiedade advogadus portugés Uría Menéndez no Abreu Advogados, hodi aumenta nia koñesimentu no dezenvolve nia interese ba direitu sosietáriu no bankáriu, propriedade intelektuál, arbitrajen no direitu traballu.
Manuel daudaun ne'e ativu tebes iha dezenvolvimentu meiu akadémiku Timor-Leste nian, hodi servisu hamutuk ho Universidade Nasional Timor Lorosa’e (UNTL) iha elaborasaun, edisaun no publikasaun livru direitu oioin kona-ba kestaun jurídika oioin, inklui, foin lalais ne’e, estudus hodi komemora restaurasaun independénsia Timor-Leste nian.
Manuel hola papél lideransa iha polítika públika DTA nian no prátika redasaun lejislativa, tanba tulun ona Governu Timór-nian no Parlamentu Nasionál, liuhosi envolvimentu hosi organizasaun internasionál oioin, iha prosesu redasaun no aprovasaun lei no polítika sira ne'ebé aborda asuntu oioin, hanesan insolvénsia, propriedade industriál, direitu autór, komérsiu eletróniku, protesaun dadus, krime sibernétiku, seguransa sibernétika, no reforma tranzasaun sira ne'ebé seguru.
Manuel foti Lisensiatura Direitu no Mestradu Direitu husi Universidade Católica Portuguesa iha Porto, iha ne'ebé nia hetan prémiu Professor João Baptista Machado ba nia teze Mestradu (18/20). Manuel dezenvolve tan nia estudu no foti pós-graduasaun iha Direitu Bankáriu, Valor Mobiliáriu no Seguru sira no Direitu Komersiál husi Universidade de Coimbra, no mós iha Direitu Propriedade Intelektuál no mós Siénsia husi Lejislasaun no Lejístika, husi Universidade de Lisboa.
Manuel hatene ko’alia lian portugés, inglés no tétum.
