Hahú iha 2023, João fó asisténsia ba DTA kona-ba asuntu oioin ne'ebé relasiona ho sistema jurídiku Timor-Leste nian. Nia prátika foka liu ba área direitu bankáriu, finanseiru, segurus, mina-rai no gás, enerjia, kontratasaun públika no direitu dijitál.
João hahú nia karreira nu'udar Advogadu Estajiáriu iha APSMAR & Associados, iha Portugal. Tuir mai nia asume knaar nu'udar Sósiu no Koordenador Departamentu Responsabilidade Sivil iha Jurisvalor, Lda. Tuir mai, nia hamutuk ho Miranda & Associados nu’udar Asosiadu, hafoin servisu iha jurisdisaun oioin nia asumi lideransa ba Miranda nia eskritóriu iha Timor-Leste (2019-2023). Hafoin fila ba Portugal iha fulan-Juñu 2023, João hetan kontratu atu sai Of Counsel ba PRA – Raposo, Sá Miranda & Associados, hodi fó akonsellamentu kona-bá direitu administrativu no kontratasaun públika.
João foti Lisensiatura iha Direitu husi Faculdade de Direito, Universidade de Lisboa no foti Mestradu iha Direitu no Merkadu Finanseiru husi Faculdade de Direito, Universidade Nova de Lisboa / Information Management School. Nia foti pós-graduasaun iha Direitu Segurus husi Faculdade de Direito, Universidade de Lisboa; pós-graduasaun iha Direitu Bankáriu, Bolsa Valores no Segurus husi Universidade de Coimbra; no pós-graduasaun iha Kontratasaun Públika husi Universidade de Coimbra.
João hetan rekoñesimentu atu ezerse advokasia iha Portugal, Timor-Leste no Fransa. Aleinde ne'e, nia mós hola parte iha Association of International Energy Negotiators (AIEN).
João hatene ko'alia lian portugés, inglés, fransés, español no tétum.
