Alexandra tama iha DTA iha Fevereiru 2024 no hahú ne'ebá fó ona akonsellamentu jurídiku ba kliente korporativu sira kona-ba asuntu bankáriu, komersiál, rejistu, ONG no laborál sira. Alexandra ativu liuliu iha espasu ONG nian, fó akonsellamentu jurídiku ba organizasaun sira ho foku iha kultura, saúde, jéneru no mudansa klimátika.
Molok tama iha DTA, Alexandra hala’o estájiu iha Center for Responsible Business & Leadership iha CATÓLICA-Lisbon, eskola ida ne’ebé tuur iha Top 25 FT Eskola Negósiu Europa. Nia kontribui ativamente ba projetu investigasaun “Observatório dos Objetivos de Desenvolvimento Sustentável (ODS) nas empresas portuguesas” ne'ebé foka liu ba implementasaun Ajenda 2030 iha sira-nia estratéjia negósiu. Iha fulan Agostu 2023, Alexandra mai Timor-Leste nu'udar voluntáriu ho MOVE, ONG portugés ida-ne'ebé foka liu ba empreendedorismu. Durante ninia misaun fulan-neen, Alexandra fornese servisu ne'ebé folin-boot, hodi oferese formasaun gratuita kona-ba planu negósiu ba emprezáriu timoroan sira no fornese servisu konsultoria ba empreza ki'ik sira, hodi promove sustentabilidade finanseira.
Aleinde nia servisu iha DTA, Alexandra mós ativu nu'udar konsultora independente ba ONG internasionál sira, ba projetu sira ne'ebé koinside ho nia paixaun atu promove dezenvolvimentu sustentável liuhosi empreendedorizmu lokál. Aleinde ne'e, entre Janeiru no Juñu 2024, Alexandra hanorin iha Eskola Emprezariál husi Universidade Católica Timorense (UCT), nu'udar dosente konvidadu ba Jestaun Marketing. Hahú husi Janeiru 2025, Alexandra hetan nomeasaun nu’udar Field Manager husi MOVE iha Timor-Leste, responsável atu orienta ekipa atuál husi bolseiru sira, reprezenta MOVE iha nivel institusionál, no dezenvolve estratéjia kampu MOVE nian ba Timor-Leste.
Alexandra foti Lisensiatura Direitu no Lisensiatura Jestaun husi Universidade Católica Portuguesa iha Porto, no nia mós nu’udar aluna vizitante iha Pontifícia Universidade Católica do Rio de Janeiro, iha Brazil.
Alexandra hatene ko'alia lian portugés, inglés no tétum.
