Filomena hamutuk ho DTA hahú husi tinan 2011 nu’udar Tradutóra Jurídika no, tuir mai, nia sai Office Manager, hodi kontribui tebes ba DTA nia efisiénsia operasionál, espesializasaun jurídika no servisu linguístiku.
Nu’udar Office Manager, nia estabelese no halao supervizaun ba sistema kontabilidade no jestaun ba dokumentu DTA nian, hato’o akonsellamentu estratéjiku kona-ba polítika rekrutamentu no rekursus umanus, hala’o sesaun formasaun ba staff sira, halo jestaun ba operasaun lorloron nian, no kuda relasaun di’ak ho fornesedór no parseiru esternu sira.
Iha 2017, Filomena husik DTA hodi ba servisu nu’udar Sekretária Ezekutiva ba Prezidente Repúblika Lú Olo no Koordenadora ba Gabinete Prezidente nian (2017-2022). Tuir mai, nia tama iha Ministériu Planeamentu no Investimentu Estratéjiku, hodi halao knaar fundamentál nu’udar ko-editora ba Planu Estratéjiku Dezenvolvimentu Reajustadu ba 2023-2038 ne’ebé aprova durante VIII Governu Timor-Leste nia mandatu.
Hafoin hamutuk fali ho DTA iha 2023, Filomena espesializa iha servisu lian/tradusaun, liuliu dalen tétum, iha ne’ebé nia defende lós lian nia padronizasaun tuir padraun INL nian. Ninia esperiénsia rohan-laek kontribui ba dezenvolvimentu dalen tétum nian nu’udar dalen jurídiku ida, hodi fó apoiu ba ami nia kompromisu atu hadi’ak asesibilidade ba justisa.
Filomena mós fornese apoiu asesoria nian kona-ba asuntu kulturál sira ne'ebé kompleksu, fasilita negosiasaun sira no envolvimentu ho sosiedade sivíl no parte interesada sira setór públiku nian, no hala'o peskiza, ne'ebé maka tuir loloos nia mak DTA nia éminence grise.
Filomena foti Lisensiatura iha Biolojia (espesializasaun iha Ekolojia), husi Universidade Eduardo Mondlane (Mosambike); no mós kursu tékniku-vokasionál iha Inglés ba Estudu Avansadu (Institute of Languages, Sydney, NSW, Austrália) no Diploma ida iha Siénsia Aplikada, Téknikas Biolójika sira (TAFE, Sydney, NSW, Austrália).
Filomena hatene ko’alia lian tétum, portugés no inglés.
