Filomena de Almeida hamutuk ho DTA hahú husi tinan 2013 nu’udar Office Manager no Legal Para-professional, hodi kontribui tebes ba operasaun efisiente, koñesimentu jurídiku no servisu linguístiku DTA nian.
Nu’udar Office Manager, nia estabelese no halao supervizaun ba sistema kontabilidade no jestaun ba dokumentu DTA nian, hato’o akonsellamentu estratéjiku kona-ba polítika rekrutamentu no rekursus umanus, hala’o sesaun formasaun ba staff sira, halo jestaun ba operasaun lorloron nian, no kuda relasaun di’ak ho fornesedór esternu sira.
Nu’udar Legal Para-professional, Filomena fó apoiu konsultivu iha kestaun jurídika kompleksa, fasilita negosiasaun, fó asisténsia ba investidór estranjeiru sira no ONG sira iha Timor-Leste, halao peskiza no envolve-an iha administrasaun públika no ho parte interesada sira iha sektór ekonómiku hothotu.
Filomena nia espesializasaun mak servisu dalen, liuliu dalen tétum, hodi adere ba Akordu Ortográfiku (aprovadu husi INL). Ninia esperiénsia rohan-laek kontribui ba dezenvolvimentu dalen tétum nian nu’udar dalen jurídiku ida, hodi fó apoiu ba ami nia kompromisu atu hadi’ak asesibilidade ba justisa.
Entretantu, Filomena mos servisu nu’udar Sekretária Ezekutiva ba Prezidente Lú Olo husi 2017 to 2022. Nia mos halao knaar fundamentál nu’udar editora ba proposta Planu Dezenvolvimentu Estratéjiku durante VIII Governu Timor-Leste nia mandatu.
Filomena hatene ko’alia lian tétum, portugés no inglês.