Manuel Sá Martins hamutuk ho DTA hahu iha Maiu 2017 no dezde ne'e foka nia prátika hodi tulun empreza lokál no estranjeiru sira, organizasaun naun-governamental sira no parseiru dezenvolvimentu internasionál sira iha kestaun jurídiku oin-oin, inklui elaborasaun lejislasaun, direitu sosietáriu no bankáriu, propriedade intelektuál, promosaun imobiliária no kestaun traballu/seguransa sosiál.
Molok tama iha DTA, Manuel servisu iha sosiedade advogadus portugés Uría Menéndez no Abreu Advogados, hodi aumenta nia koñesimentu no dezenvolve nia interese ba direitu sosietáriu no bankáriu, propriedade intelektuál, arbitrajen no direitu traballu.
Manuel foti Lisensiatura Direitu no Mestradu Direitu husi Universidade Católica Portuguesa iha Porto, iha ne'ebé nia hetan prémiu Professor João Baptista Machado ba nia teze Mestradu (18/20). Manuel dezenvolve tan nia estudu no foti pós-graduasaun iha Direitu Bankáriu, Valor Mobiliáriu no Seguru sira no Direitu Komersiál husi Universidade de Coimbra, no mós iha Direitu Propriedade Intelektuál husi Universidade Católica Portuguesa.
Manuel daudaun ne'e ativu tebes iha dezenvolvimentu meiu akadémiku Timor-Leste nian, hodi servisu hamutuk ho Universidade Nasional Timor Lorosa’e no Parlamentu Nasional Timor-Leste iha elaborasaun, edisaun no publikasaun livru direitu oin-oin kona-ba kestaun jurídika oin-oin, inklui testu dahuluk Timor-Leste nian kona-ba Lei ba Rai (hamutuk ho Asia Foundation) no manuál dahuluk kona-ba Direitu Autór (hamutuk ho UNDP Timor-Leste).
Manuel hatene ko’alia lian portugés, inglês no tétum.