Nuno hamutuk ho DTA hahu iha Juñu 2015 no nia mak asosiadu prinsipál ba área kontratu públiku, direitu administrativu, PPP, arbitrajen, no kontensiozu komersiál no sivíl.
Nuno Marrazes hetan distinsaun husi Chambers & Partners nu’udar “Associate to Watch” ba merkadu Timor-Leste, konsideradu hanesan “ho reputasaun di’ak tanba tulun iha disputa komersiál no arbitrajen”. Entre konkista sira seluk, Nuno hetan nomeasaun hosi Estadu Timor-Leste nu’udar ninia sasin peritu iha prosesu arbitrajen investimentu nian ne’ebé hala’o tuir regra hosi Sentru Internasionál ba Rezolusaun ba Disputa sira Investimentu nian (ICSID – International Centre for the Settlement of Investment Disputes).
Nuno nia servisu iha setór públiku inklui fó akonsellamentu ba ajénsia internasionál sira no multinasionál sira kona-ba infraestrutura portuária, jestaun lixu sólidu, enerjia renovável, kabu fibra ótika no projetu sekuestru karbonu.
Molok tama iha DTA, Nuno servisu iha sosiedade advogadu portugés Campos Ferreira, Sá Carneiro & Associados (CFSC), liuliu iha departamentu kontensiozu. Iha CFSC nia espesializa iha prosedimentu judisiál hanesan ezekusaun, rekuperasaun empreza no insolvénsia, no mós hetan esperiénsia iha hala'o auditoria legál iha área oin-oin, hanesan enerjia renovavel no imobiliariu. Antes ne'e, Nuno servisu iha Abalada Matos, Lorena de Sèves & Associados, boutique direitu públiku ho naran-boot, iha ne'ebé nia prátika foka liu ba direitu públiku, liuliu iha área urbanismu no ordenamentu territóriu, kontratasaun públika, ambiente no jestaun lixu, no kontra-ordenasaun.
Nuno foti Lisensiatura Direitu no pós-graduasaun iha Direitu Kontratasaun Públika husi Universidade de Lisboa.
Nuno hatene ko'alia lian portugés, inglés, italianu, español no tétum.
