Ross hamutuk ho DTA hahu iha fulan Marsu 2023, no ninia espesializasaun mak direitu ambientál no direitu públiku.
Nia fó ona apoiu jurídiku kona-ba estrutura transporte no armazenamentu CO2 nian, merkadu karbonu voluntáriu no konformidade nian, no relatóriu emisaun sira tuir Akordu Paris nian. Notavelmente, nia kontribui ba esbosu lei Estrutura Jurídika Mudansa Klimátika nian. Nia mós fó akonsellamentu kona-ba projetu kréditu karbonu sira, kestaun kona-ba pose ba rai no estutura hodi fahe benefísiu. Aleinde direitu ambientál, Ross servisu ona kona-ba tributasaun mina-rai no gás, konformidade ho lejislasaun rekursu, no arbitrajen internasionál iha Timor-Leste. Nia mós kontribui ona ba avaliasaun regulár sira iha setór abitasaun no reforma lei ambientál.
Ho servisu ne´ebé nia halao uluk iha KC Australia nian no Clayton Utz, Ross lori ba DTA koñesimentu tékniku husi direitu anglo-saksóniku husi Austrália iha setór públiku no direitu ambientál.
Nia foti lisensiatura iha Direitu no Estudu Internasionál (Law and International Studies) husi University of Sydney, ho bolsa estudu husi Departamentu Negósius Estranjeirus Austrália nian ba estudu Indo-Pasífiku.
Ross hatene ko’alia lian inglés, español, fransés, mandarin, portugés no tétum.
