Sahe nu’udar Advogadu Timoroan ida ne’ebé hetan formasaun iha Austrália ne’ebé espesializa iha lei bankária no finanseira, tributasaun no kontratu komersiál sira, ho abilidade adisionál iha disputa sira iha setór komersiál oioin.
Sahe koñesidu tanba ninia atensaun ba detalle, ne’ebé tradús ho di’ak ba ninia esperiénsia kle’an kona-ba hala’o due diligence iha Timor-Leste, iha ninia kapasidade nu’udar asesór ba adkirente ba interese komersiál no ba banku internasionál boot sira no finansiadór sira seluk ne’ebé fornese akomodasaun finanseira ba negósiu sira iha Timor-Leste.
Sahe fó konsellu beibeik ba empreza mina-rai internasionál sira kona-ba asuntu legál lubuk ida, inklui kona-ba termu sira kontratu fahe produsaun nian, JV no disputa kontratuál sira, arbitrajen komersiál internasionál, lei fiskál, lei ambientál sira no kestaun sira seluk kona-ba kumprimentu lei rekursu nian, inklui ho referénsia ba projetu Greater Sunrise.
Molok harii DTA, Sahe servisu nu'udar advogadu bankáriu no finanseiru ida ho Corrs Chambers Westgarth, sosiedade advogadus ida ho naran di’ak husi Austrália. Durante nia iha Corrs, Sahe fó akonsellamentu ba banku boot sira, instituisaun finanseira naun-bankária sira no mutuáriu sira setór privadu nian iha tranzasaun finanseira oioin, inklui finansiamentu ba akizisaun, finansiamentu ba dezenvolvimentu propriedade, empréstimu sindikadu, reestruturasaun komersiál no titularizasaun.
Aleinde ninia esperiénsia jurídika, Sahe ativu tebes iha deskarbonizasaun, no nia responsável ba ko-jerénsia projetu Rai Matak, inisiativa inovadora ida-ne'ebé hetan finansiamentu husi Uniaun Europeia, ho objetivu atu apoia dezenvolvimentu ekonomia matak iha Timor-Leste, hamenus emisaun karbonu ne'ebé kontribui ba mudansa klimátika, lori rendimentu ba agrikultór Timoroan sira, refloresta área ambientál sira ne'ebé aat no ajuda komunidade rurál sira atu naburas. Iha Rai Matak, Sahe mak responsável prinsipál ba Relasaun ho Governu no ho Doador sira, iha ne'ebé nia envolve beibeik iha nivel hotu-hotu Governu nian kona-ba dezenvolvimentu ekonomia matak Timor-Leste nian.
Foin lalais ne’e, Sahe hetan nomeasaun nu’udar Komisáriu ba Komisaun Reforma Justisa, ne’ebé implementa iha Gabinete Primeiru-Ministru nia okos, ho apoiu hosi Programa Nasoins Unidas nian ba Dezenvolvimentu (PNUD).
Sahe foti Bachelor of Business (Major in Accounting) no Bachelor of Laws (Honours) husi University of Technology, iha Sydney.
Sahe hatene ko’alia lian inglés, tétum no portugés.
